كـــــعبة الاحــــــزان


 
الرئيسيةس .و .جبحـثاهلا وسهلا بكم في موقع الرادود باسم الكربلائيالتسجيلالأعضاءالمجموعاتدخول

شاطر | 
 

 استحي !!!!! مااقدر اقول شيء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كل المشاعر
مشرفة الشؤون الاجتماعية 2
مشرفة الشؤون الاجتماعية 2


انثى عدد الرسائل : 46
تاريخ التسجيل : 18/04/2007

مُساهمةموضوع: استحي !!!!! مااقدر اقول شيء   الجمعة أبريل 20, 2007 9:44 am

معقووووووووله هالكلام؟؟؟؟؟
تستحون ؟؟؟؟ ليش ؟؟؟؟؟


ولي متى راح ( يظل ) هالخجل موجود في داخلكم؟؟

للأسف هالشي موجود في كلا الجنسين

وليش ( الخجل ) أبي اعرف


مافي شي يدعي انه الواحد يستحي من هالشي؟؟ لأنه مو عيب

بالعكس بهالشي راح تفرحون

قلوب أهاليكم وبهالشي راح ترضون ربكم .. اللي خلقكم


ترا الجنه تحت ريولهم .. ومن غير رضاهم

ريحه الجنه ما تشمونها

الواحد فينا لازم يحمد ربه اذا امه وابوه عايشين .. لأنهم البركه

هم الخير كله

في ناس محروميييين ودهم انهم يعيشون لحظه مع أبهاتهم

وأمهاتهم بس مو قادرين .. فرقهم القدر


الحين بتقولون شفيها هذي ينت وقعدت .. شفيها هذي داشه تزف واتحلطم ؟؟

اسمحوا لي يا جماعه

بس من القهر الي فيني.. من السوالف الي اسمعها.. والي تصير ارتفع ضغطي



قاعده أقول بقلبي .. الواحد منا ويا ربعه وأصدقائه ينسى عمره

وتاخذون بعض بالأحضان وتبوسون بعض

وتولهون وتشتاقون حق بعض

وما ترضون حتى عليهم او انكم تزعلونهم

لي درجة انكم ما تقدرون تعيشون لو لحظة بدونهم او تتخلون عنهم


انزين

وأمــــــــــــــــــــــــــــــــــــــــــــك

جــنــتــك ونـــارك


تستحون منها ؟؟؟

شلون تستحي من انسانه انت في يوم من الأيام طلعت من بطنها عاري


ونفس الشي ابوك .. شافك وانت صغير عاري


تستحين من هذيل الي اهم سبب وجودك من بعد الله سبحانه وتعالى


ماقول غير الله يستر بس؟؟


تستحون من اللي تعبت فيكم 9 شهور ؟؟

تستحون من اللي تعبت بولادتكم ؟؟

تستحون من اللي ربتكم وارضعتكم ؟؟

تستحون من اللي سهرت عليكم الليالي في مرضكم ؟؟

تستحون من اللي تبجي اذا بجيتوا وتضحك اذا ضحكتوا ؟؟

تستحون من اللي علمتكم وكبرتكم وخلتكم تعتمدون على

نفسكم ..وشلون تعيشون الحياه ؟؟


اخخخخخ بس شقول وشخلي

من القهر طار الكلام


أنتوا اتخييلــــــوا أنه في شباب ايقولون


.. لا مستحيل .. انا ما أقدر فشله

شتقول عني بعدين .. شفيه هذا شطوله شعرضه

وياي يبوسني ..صج ما يستحي على ويهه

انا في حياااااتي ما حبيت راس امي او ايدها

استحي اصلا .. وحتى ابوي اذا رجع من السفر اسلم عليه من بعيد

ما ابوس حتى خده .. استحي .. ما اتعودت.. ما اتحمل... أمبيه فشله ..عيب




هذا رايكم ؟؟؟ معقوله

تتقربون أكثر من أهلكم .. عـــيب ؟؟

رضاهم عنكم ودعوتهم لكم .. فـــشله ؟؟

تحسسونهم بحبكم وحنانكم وانكم مهتمين فيهم نفس ما اهم مهتمين فيكم .. تـسـتحون ؟؟

رضا الله سبحانه وتعالى عنكم .. حـرام ؟؟




ما اقوى هالكلمه على اذني

استحي؟؟ استحي؟؟ استحي؟؟

لي الحينها ترن في أذوني

يستحي من أمه .. يستحي يحب راسها وايدها

وانا ما أخص الشباب بهالموضوع

لان في بنات يستحون أكثر من الشباب

تخيلوا !!!!!!!!! .. إي والله من صجي

ترا قبل ما تكون أمج .. هذي مره حالها حالج

شمنه تستحين ..الله يهداج بس

أشوف ما تستحين من رفيجاتج وكلامج الحلو معاهم



والحين

برايكم منو الغلطان ؟؟

الأم والأب لأنهم ما عودوا عيالهم على هالشي؟؟

ولا الشخص نفسه اللي ما يحاول يعود نفسه على هالشي؟؟



انا أقول الاثنين يكملون بعض

بس انتوا لازم ما تكررون غلطتهم

اذا اهما ما تعودوا على هالشي انتوا عودوهم وعودوا نفسكم

شنو بيصير فيك اذا الله سبحانه وتعالى خذا روح أمك أو أبوك

بتزعل ؟؟ تبجي ؟؟ بتنسى بعد جم يوم ؟؟

بتتحسف على كل كلمة قلتها لهم وزعلتهم او ضايقتهم ؟؟

بتعض أيدك وتندم على نصايحهم اللي ضحكت عليها ؟؟

بتتمنى لو تعيش امك يوم واحد عشان تلمها وتحب ايدها وراسها وتقولك أنا راضيه عنك ؟؟

أدري كلامي يمكن يزعلكم أو يضايقكم شوي

بس هذي الصراحة

يمكن البعض يتأثر ويقول خلاص أنا من اليوم بحب راس أمي

ويمكن البعض يقول يمعوده زين فكينا من كلامج اللي ماله معنى .. وهذيل ما راح يحسون بقيمه الكلام الا اذا انحرموا منهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كعبة الاحزان
admin
avatar

عدد الرسائل : 90
تاريخ التسجيل : 16/04/2007

مُساهمةموضوع: رد: استحي !!!!! مااقدر اقول شيء   الإثنين أبريل 30, 2007 8:50 pm

تسلمين على الموضوع وطبعا الخجل في بعض الاوقات تعبر عن الاحترام بس لا تخافين انا اربعة وعشرين ساعة اقول حق احبج خخخخخخخخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ala7zan.niceboard.com
 
استحي !!!!! مااقدر اقول شيء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كـــــعبة الاحــــــزان :: قائمة المنتديات الاجتماعية :: منبر الترحيب و الاستراحة-
انتقل الى: